冰室小菜館 (彌敦道) (已結業)

外面系茶餐厅既格局，但原来入面晚市系有小菜食又有海鲜，2个人叫左4个𩠌，都系每人$120，有汤有饭。一坐低就有碗菜干汤，几浓味又够味，应该冇味精，因为饮完唔会口渴。白灼虾$58，都有成半斤，d虾够大只又新鲜，虾头膏好甘香，豉油有放辣椒，几有诚意，好抵食沙巴龙趸，$98，好普通既鱼，不过不失，今晚蒸过左龙，但个豉油几鲜既。咕噜肉，$58，肉多过d椒，d肉炸浆唔厚，几松脆，入面肉都好林，甜酸酱较得几适中，可以试下。豉椒炒蚬，今晚做特价$28，足半斤超抵食，个酱似沙嗲酱多d，但捞饭都几好食。$28真系抵到烂，枱枱都叫。d侍应又勤力又有礼貌，晚市爆满哂都好爽手。见好多枱都系一条友自己去食小菜。除左d枱迫少少，整体质素唔错，会再同朋友去。