影片
更多
2018-09-14
531 浏览
話說朋友仔生日，去左呢間日本料理度慶祝！揀呢間餐廳嘅原因主要係因為好多人都嚟呢度食嘢打卡，梯級型嘅壽司擺碟實在係太吸引餐廳環境一般，感覺唔似專業嘅日本餐廳 ，反而有種家庭式經營嘅小店感覺。 一坐低，店員就開始 Serve welcome drink ，佢冇特別介紹係咩味道或者係用咩材料整，只係簡單講咗有酒精成份。飲落去好重酒味，感覺似係中國人煮飯用嘅酒嘅味道，入面有一塊蘋果，同埋有d爆珠。之後由於未齊人所以叫咗個玉子燒，同埋炸墨魚咀做小食。(不過唔記得咗影相) 呢兩款小食都算唔錯，尤其炸墨魚咀都幾香口人齊之後我哋就叫左幾個壽司定食，12時令壽司拼盤，卷物，串燒，同埋一個鰻魚飯。呢個真係要重點一提，卷物，你又點會諗到係比你自己卷呢？不過個吞拿魚腩蓉都幾好食嘅之後就嚟咗梯級型嘅壽司定食，同埋上圖嘅12件時令壽司🍣壽司真係要講一講，首先就係梯級型壽司定食，亦都係我冇影相嘅。佢所有嘅壽司上面嘅魚生，食落都感覺唔新鮮。第二就係12件時令壽司，求其俾啲三文魚，北寄貝，墨魚我就充當3款時令壽司6件？有冇搞錯？元氣壽司都好過佢而且好地地嘅壽司配嘅醬汁點解咁奇怪？泰式醬料喎？在令人髮指嘅件事，就係食食下
餐廳環境一般，感覺唔似專業嘅日本餐廳 ，反而有種家庭式經營嘅小店感覺。
一坐低，店員就開始 Serve welcome drink ，佢冇特別介紹係咩味道或者係用咩材料整，只係簡單講咗有酒精成份。
飲落去好重酒味，感覺似係中國人煮飯用嘅酒嘅味道，入面有一塊蘋果，同埋有d爆珠。
之後由於未齊人所以叫咗個玉子燒，同埋炸墨魚咀做小食。(不過唔記得咗影相) 呢兩款小食都算唔錯，尤其炸墨魚咀都幾香口
人齊之後我哋就叫左幾個壽司定食，12時令壽司拼盤，卷物，串燒，同埋一個鰻魚飯。
呢個真係要重點一提，卷物，你又點會諗到係比你自己卷呢？不過個吞拿魚腩蓉都幾好食嘅
之後就嚟咗梯級型嘅壽司定食，同埋上圖嘅12件時令壽司🍣
壽司真係要講一講，首先就係梯級型壽司定食，亦都係我冇影相嘅。佢所有嘅壽司上面嘅魚生，食落都感覺唔新鮮。第二就係12件時令壽司，求其俾啲三文魚，北寄貝，墨魚我就充當3款時令壽司6件？有冇搞錯？元氣壽司都好過佢而且好地地嘅壽司配嘅醬汁點解咁奇怪？泰式醬料喎？
在令人髮指嘅件事，就係食食下有蟻定唔知虫係個擺壽司嘅木碟上面，雖然該名昆蟲體型好細，但係足以證明呢間餐廳嘅衛生情況。我哋立即同店員講，佢就話唔好意思重新換過新嘅一份俾我哋，結果新嘅嗰一份由12件變左做10件。呢一下我又覺得佢鋪頭好小家。
另外個鰻魚飯，佢配搭左幾塊好薄嘅蛋餅，聲稱可以用嚟包住鰻魚飯享用，不過其實味道完全唔夾串燒亦都冇應有嘅燒烤味，感覺似係一早整好然後再攞去微波爐叮熱咁。
最後，我哋麻煩店員將我哋帶你嘅生日蛋糕拎出嚟，呢一方面佢哋又做得唔錯，主動係點邊寫上Happy birthday
總結
📍店舖位置唔方便
🍣 食物質素一般
💰價錢同食物質素不成正比，貴
❌衛生情況有待改善
💁🏻♀️店員殷勤，主動，態度友善
张贴
