影片
更多
2023-05-14
1083 浏览
好认真咁讲，母亲节餐饭晨早已经Book咗位，安排啲唔知咩位黎，景睇唔到都算，个位我估系全场最暗，同夜晚啲小夜灯咁嘅款。Ok，入正题，六个人坐落黎，大概隔咗五分钟，即时上咗汤，望落啲汤渣真系熟口熟面，同平时大排档188啲例汤系完全一样嘅嘢，螺肉鸡脚山药汤，真系得啖笑。第二样系两样嘢一齐上，一碟酸梅粉番石榴同冷盘鲍鱼，我想讲嘅系，冷盘呢啲唔系应该先上咩？咁就算啦，啲摆盘乱乱七八糟，连啲碟周围啲汁都唔抹下，味道更加系毫无特色可言，最多就系切到一条条。第三样系生菜包和牛粒，不功不过。第四样全场最难食嘅凉瓜花胶，夸张到咩地步呢，系净系想食入面嘅炒红椒，其他都需要硬著头皮去食。第五样系乳鸽，同大排档一样嘅嘢，毫无记忆点。第六样应该系全场唯一值钱嘅蟹，等咗唔知猴年马月先到嘅菜，蟹脚还可以叫做鲜甜，下面炖蛋食唔出蟹味，总嘅黎讲最贵就系呢区区几条珊瑚蟹嘅脚。第七样系泡饭，汤➕饭焦➕零零碎碎嘅肉菜，我想讲六点入场，你八点先俾主食有边间餐厅系咁上菜？成屋人一直系度等，最后啲服务员仲问返我地转头，仲差啲咩未上？？？第八样真系唔提好过提，呢几碗桃胶红枣圆肉糖水就好似厨房卖晒啲精致甜品，临时紧急用材料煲出黎滥竽充
Ok，入正题，六个人坐落黎，大概隔咗五分钟，即时上咗汤，望落啲汤渣真系熟口熟面，同平时大排档188啲例汤系完全一样嘅嘢，螺肉鸡脚山药汤，真系得啖笑。
第二样系两样嘢一齐上，一碟酸梅粉番石榴同冷盘鲍鱼，我想讲嘅系，冷盘呢啲唔系应该先上咩？咁就算啦，啲摆盘乱乱七八糟，连啲碟周围啲汁都唔抹下，味道更加系毫无特色可言，最多就系切到一条条。
第三样系生菜包和牛粒，不功不过。
第四样全场最难食嘅凉瓜花胶，夸张到咩地步呢，系净系想食入面嘅炒红椒，其他都需要硬著头皮去食。
第五样系乳鸽，同大排档一样嘅嘢，毫无记忆点。
第六样应该系全场唯一值钱嘅蟹，等咗唔知猴年马月先到嘅菜，蟹脚还可以叫做鲜甜，下面炖蛋食唔出蟹味，总嘅黎讲最贵就系呢区区几条珊瑚蟹嘅脚。
第七样系泡饭，汤➕饭焦➕零零碎碎嘅肉菜，我想讲六点入场，你八点先俾主食有边间餐厅系咁上菜？成屋人一直系度等，最后啲服务员仲问返我地转头，仲差啲咩未上？？？
第八样真系唔提好过提，呢几碗桃胶红枣圆肉糖水就好似厨房卖晒啲精致甜品，临时紧急用材料煲出黎滥竽充数，入面嘅嘢价值应该连二十蚊都无。
总嘅黎讲，就系要卖相无卖相，要服务都要三催四请人地过黎换碟，加茶水，连有咩未出齐都唔知，仲好意思收加一，要景色更加无景色，要味道仲不如路边大排档，呢个餐你同我讲值三千几，都唔知点帮你地揾理由砌够佢，一餐饭六点食到八点半，大人细路都辛苦，宁愿俾五千几食有素质嘅餐厅好过。
张贴
