影片
更多
2010-12-06
14 浏览
一直都有d想试这间餐厅, 终于上星期五去了一趟, 点知完全失望首先. 招呼欠奉, 个"部长"见到我带住两个小朋友, 一个工人, 即时眼啤啤, 黑面蒹唔出声招付, 仲要成日打量我哋, (唔知佢系咪以为得我一个人系食, 而工人就只系照顾小朋友, 我ｄ小朋友好细个不用比钱． 或者以为我比一个人钱, 但就拿食物比佢地, 总之, 佢嘅眼神, 同埋佢望住我啲小朋友的表情, 都令我觉得佢唔系欢迎我啰!) 而我当然系比埋钱工人同小朋友食啦首先，入座已见到只飞虫（唔系蚊，个身型就同蚊差唔多大，好似毛耸耸个种飞虫），喺个位飞来飞去唔走, 咁我就立即拨走佢, 点知拨极都喺度, 个侍应系度set完枱, 完全冷眼旁观望住, 毫无帮手, 咁都ok, 算啦, 我出去拿食物以为食泰+日式嘢, 点都有d地道嘢, 例如炒蟹, 波箩炒饭个d, 点知一律欠奉...食物种类少, 质素亦甚差...泰式食物:1) 冬荫功汤: 好水, 无料, 只有少少菇, 无任何海鲜嘅鲜味, 同有味水无分别...不过酸酸地都可以开吓胃...2) 泰式炒杂菜: 卖相唔好(尤其是椰菜花), 无味, 硬,,难食...!最后仲因为有另一只细蚊滋飞入来碟𩠌
首先. 招呼欠奉, 个"部长"见到我带住两个小朋友, 一个工人, 即时眼啤啤, 黑面蒹唔出声招付, 仲要成日打量我哋, (唔知佢系咪以为得我一个人系食, 而工人就只系照顾小朋友, 我ｄ小朋友好细个不用比钱． 或者以为我比一个人钱, 但就拿食物比佢地, 总之, 佢嘅眼神, 同埋佢望住我啲小朋友的表情, 都令我觉得佢唔系欢迎我啰!) 而我当然系比埋钱工人同小朋友食啦
首先，入座已见到只飞虫（唔系蚊，个身型就同蚊差唔多大，好似毛耸耸个种飞虫），喺个位飞来飞去唔走, 咁我就立即拨走佢, 点知拨极都喺度, 个侍应系度set完枱, 完全冷眼旁观望住, 毫无帮手, 咁都ok, 算啦, 我出去拿食物
以为食泰+日式嘢, 点都有d地道嘢, 例如炒蟹, 波箩炒饭个d, 点知一律欠奉...食物种类少, 质素亦甚差...
泰式食物:
1) 冬荫功汤: 好水, 无料, 只有少少菇, 无任何海鲜嘅鲜味, 同有味水无分别...不过酸酸地都可以开吓胃...
2) 泰式炒杂菜: 卖相唔好(尤其是椰菜花), 无味, 硬,,难食...!最后仲因为有另一只细蚊滋飞入来碟𩠌内，于是成碟无食．
3) 炒蚬: 超级细只, 无味, 得番d壳都长期无人refill...
4) 炸物: d唔知系咪多春鱼嘅鱼, 超细条, 仲要得番一两条兼比d人笃烂, 令人完全唔想拿. 其他炸物冻冰冰, 唔脆...款式少.
5) 煎鱼饼: ok，算系最好味．
6) 香叶包鸡: 无味, 唔香...
7) 有红, 黄咖哩, 但当我见到旁边盛白饭个大羹用碗水浸住, 唔知点解我觉得好肉酸, 卒之我无试
日式食物:
1) 鸡翼! 居然有好似卤水鸡翼嘅食物, 我唔expect会喺buffet食鸡翼啰...!!
2)三文鱼腐皮卷：又梅又林，无三文鱼味
3)刺身：行去个刺身bar度，闻到个环境有腥腥嘅味道，我都照拿，但看见颜色就不新鲜，于是我没有食，而我工人食了就话唔新鲜！
4) 虾：好似白灼虾咁，我无食，唔知好唔好食...
5) 大豆芽蚬肉汤：完全系无味嘅水，好．唔．掂...
6)清蒸龙脷柳：其实呢只鱼清蒸已经系怪，但我心想应该唔差啦！点知又梅又林又无味，我吐都吐唔切
由于我对呢度嘅食物已经无信心，我完全无拿沙律bar的食物...
我去个洗手间，仲要刚刚无咸水，要自己笔水冲厕，地板湿立立...好彩寿司bar位师傅都叫有心，提我小心地滑．
之后有个渌熟食嘅雪柜（系好似便利店个ｄ放叮叮食物嘅雪柜），比你自己攞食物，个卖相衰ｄ讲，好cheap, 我把心一横，心想渌菜食食饱佢啦！点知款式都系好少，d日式鱼蛋，狮子狗，全部都系无味架！而ｄ汤就都系无乜味，不过总叫清清地填饱个肚...
然后，我发现甜品系喺门口嘅，我见到所有甜品都系就咁放系个同头先自助渌嘢嘅雪柜一样嘅柜度，见到都无兴趣攞，于是就去煎pancake.我工人点了芒果，（佢话好梅，芒果好唔新鲜，佢仲吐回出来唔食），而我睇见阿姐将ｄ预先pack好出来嘅罐头杂果放在我的pancake上面，我都无乜兴趣再食．．
最后，我拿了杯牛奶公司雪糕比小朋友，似乎呢样最信得过．．．
总括来说，既然这餐厅是以自助餐做主打，就应该在提供的食物质素，新鲜度方面提高水准，呢度ｄ食物唔好食，卖相不吸引，仲要毫无诚意，例于ｄ蚬超细只，多春鱼又超细条，样样嘢都无质素，比我觉得系为了赚钱，就将货就价，比d cheap 嘢人食啰！讲真，二百元以下我亦不期望会食龙虾，鹅肝等货色，我只系期望会食到好味地道嘅食物遮！泰式食物唔系甚么贵价货，不过这里连这些食物都完全唔好味．
最后我埋单走人，连餐茶都无叫，比成百多二百元一餐，去其他餐厅有大把选择．．
以后都无可能再去帮衬！
张贴