拼食三郎 (已結業)

见到新假期介绍呢间的芝士火锅同埋芝士鸡煲，谂住去试下啦，打去book位就full左，一系就book 9 点，咁就walk in 啦。 7点钟去到等到9点先入得去😥，都算，入面劲细劲迫，我地3人，有张4人枱，谂住系我地坐啦，点知佢话张4人枱系俾订左位果d人，果时9点，等2个人订左位，其他都系walk-in. 佢就叫我地坐bar枱，迫到根本坐唔到，90磅的女仔坐都迫到贴住，可想而之有几逼，果张4人枱最尾又系有两个walk in客坐。咁佢又话订左位先坐得😑 讲返野食，我地叫左个双重芝士鸡煲，一个芝士龙虾火锅，一个双重芝士火锅，无乜芝士味，龙虾果个直头食唔出有芝士味。个鸡煲d鸡已经少，得几旧，都算，但俾返d正常部位呀唔该，鸡翼尖，仲有个唔知咩位系成旧筋都咬唔开。系69蚊唔应该要求咁高，但主打芝士都无乜芝士味就唔得啰。火锅配料，仲少过大家乐一哥火锅，系靠个乌冬食饱。得2个钟食呢餐，真系唔值到系得再唔值！