餃子爺爺

营业中

休息中

本人极钟意食饺子，难得楼下开左间新饺子店，当然即刻去试啦！本身仲好期待，但食完就觉得呢一餐系我呢世人食过最不知所谓既一餐了...入到去叫野食，店员A同我地讲话无鱼汤，可以免费转野饮。虽然个阵心谂：「有无搞错，午市时间已经无汤，成个餐既精髓无左，好失望」，不过见系新开就算啦...无几耐，身后有个女人岩岩入座，由店员B帮佢落单。当我听到店员B无提佢无鱼汤已经觉得好奇怪，几分钟后我竟然见到店员俾碗鱼汤佢... 我本身以为系因为店员A讲野有口音令我误会左无鱼汤，直到有另一位食客出声我先知唔系得我一个以为无鱼汤！等野食期间，我竟然听到唔只一次店主同店员之间发生少少口角。咁多客人，间舖咁细，完全影响客人既进食气氛。到上菜啦，店员竟然讲唔出上黎既系咩饺子，我地问佢佢先去问煮果个人。问完话系朋友叫既饺子，咁就推左俾朋友食啦，到朋友落好酱汁店员先改口话系我既芝士粟米（友人食唔到芝士，会呕），好在我朋友未开始食。但神奇既事发生啦！我一咬落去，系我唔食既芹菜（并非我同朋友点既野）.....讲返啲饺子先，成四十几五十蚊一碟，但啲饺子细粒到作为一个唔大食既女仔都唔饱，同湾X码X个啲差唔多size😓 我行过啲去食