鬍鬚仔 (已結業)

上星期第一次帮趁，点了fish and chips，因为系街市环境，冇预过要企20分钟，建议可以同客人讲声要等咁耐。店员态度对等紧的客人亦超恶劣，虽然系黄店，但好似当正所有客人都系林奠咁，系最典愤世嫉俗的年青人，下次想帮趁，要问问自己，为乜呢？返到屋企先知份量偏细，一个男人唔会够饱，下次要预左去隔离叫多份煎酿三宝先够。鱼冇乜味，估计系雪藏，但最惨系D野太油，食完即晚唔舒服，第二日肠胃都唔妥，所以第一次经验系唔好的。今日因屋企人想食，即管再返去，叫个至尊汉堡，但因屋企人唔食得蕃茄，以为走蕃茄系相当等闲的事，但职员话：「冇得走，我哋「缺一不可」」有D意外，但仍客气地解释，我屋企人唔食得蕃茄，另一职员就话：「走唔到呀，你返屋企liu走佢啦！」我唔系好同意佢地既坚持，我都系钟意民主，所以决定唔帮趁。