料理X空間

营业中

休息中

喺深水埗返工见到呢间餐厅开咗一轮，见今日想食西餐，于是试吓。入到去好大浸油烟味，但系即刻有位所以坐低咗。我哋六个人两个嗌咗孜然鸭髀饭，两个嗌牛柳薯菜，一个叫蛋包饭，一个叫咗毛瓜粉丝大杂会。等咗15分钟两个牛柳薯菜最先嚟到，味道正常份量略少。之后再等15分钟上咗个鸭髀饭，我同事以为系肉骨茶。我本身食得好清淡，但个汁好稀，啲鸭得几旧，又无味道，我哋都唔肯定系鸭定系鸡，跟嘅白饭好硬，我要捞埋啲汁先食到。再等多10分钟先上个蛋包饭，同事话好伏。之后等极都等唔到个毛瓜粉丝大杂烩。个楼面十问九唔应，又唔解释。最后我哋嬲到走咗，而我个同事乜都冇得食。我明白cafe系Hea嘅地方，但都请照顾吓喺深水埗返工嘅打工仔，我哋得一个钟食饭时间。你搞唔掂就唔好做午市。餐厅应该识得控制出餐时间。同埋如果漏咗单都应该有啲交带解释一下。以咁样嘅出品质素、份量同服务，我食茶餐厅都开心啲，以后都唔会再嚟。