圍威喂 (誠信中心) (已結業)

今日想快趣食个饭，附近见到呢间餐厅好似食物卖相都不错就去食。叫左个大虾炒金边粉，因为餐牌金边粉旁特别写左可转素食。所以我order 个时专登讲，系要大虾金边粉。野食好快黎到，咁我用筷子翻一翻，见唔到有虾，就好有礼貌同店员讲，唔好意思，我睇一睇好似无虾(用筷子翻一翻啲粉比佢睇)。我怕可能搞错左系素食餐。后生女侍应就拎去同厨房厨师讲，厨师就话，系入面啲虾呀，之后就同个女侍应嘈起上黎，我之后净系听到。“ 咁你同个客讲佢咁蠢咁都揾唔到只虾啰!! “我足足听到3次，系好大声咁讲真系乜食欲都无哂，就算我揾唔到，好好声声同我解释翻咪可以，唔需要咁讲野呀麻？？最后，全场唯一最落力，最好态度既姨姨侍应过黎同我解释翻其实有2只虾，平时放系面，今日可能炒左入去。其实我并不介意，好好解释翻我完全接受。根本唔需要之前咁样讲野，完全唔会尊重人。成餐食到背脊骨落，我以后都唔会帮衬呢间。