影片
更多
2020-11-01
210 浏览
向佢反映啲菜有问题，无解释下被无理cut单负责人话「反正你地都系入黎帮衬得一次」当晚叫咗素鹅、云耳、豆浆同津白煮年糕。食食下发现津白上有突起嘅点点好似虫卵，最上层骤眼望都有六至七片咁嘅菜叶，同埋汤入面有乌蝇，觉得极唔开胃，于是问店家啲菜有无问题，可唔可以换。图中负责女人重覆几次：「啲菜系咁架啦，无得换」，建议我地取消。 OK，咁取消后我地想再叫其他野食，收银女侍应俾咗餐牌我哋，点知想落单时比另一位男侍应一手抢走menu话「我哋啲津白全部都系咁㗎啦」，我哋回答「明白，咁都想叫其他」，佢支吾以对话「总之全部野食冇得叫」收走menu行开，女侍应唔知系边行出黎话：「我哋cut单喇」。明白嘅，可能寻日人多8点钟就截；同一时间刚入座嘅客人听到cut单打左个突，问系咪即系叫佢哋离开？但男侍应竟然请佢哋坐低落单，当时我地以为只系做埋呢枱客。观察左一阵唔对路，因为厨房不停出𩠌，唔单止新入座嘅客人收到野食，其他喺门外排队嘅客人仲不停入座。明哂，原来系针对我哋，「cut单」只系净系唔俾我地叫野食。我哋尝试了解返件事，好声好气问男待应「点解cut左单但其他人叫得？我哋系想叫个第二款𩠌，唔系津白。点解讲大话讲已
负责人话「反正你地都系入黎帮衬得一次」
当晚叫咗素鹅、云耳、豆浆同津白煮年糕。食食下发现津白上有突起嘅点点好似虫卵，最上层骤眼望都有六至七片咁嘅菜叶，同埋汤入面有乌蝇，觉得极唔开胃，于是问店家啲菜有无问题，可唔可以换。
图中负责女人重覆几次：「啲菜系咁架啦，无得换」，建议我地取消。 OK，咁取消后我地想再叫其他野食，收银女侍应俾咗餐牌我哋，点知想落单时比另一位男侍应一手抢走menu话「我哋啲津白全部都系咁㗎啦」，我哋回答「明白，咁都想叫其他」，佢支吾以对话「总之全部野食冇得叫」收走menu行开，女侍应唔知系边行出黎话：「我哋cut单喇」。
明白嘅，可能寻日人多8点钟就截；同一时间刚入座嘅客人听到cut单打左个突，问系咪即系叫佢哋离开？但男侍应竟然请佢哋坐低落单，当时我地以为只系做埋呢枱客。观察左一阵唔对路，因为厨房不停出𩠌，唔单止新入座嘅客人收到野食，其他喺门外排队嘅客人仲不停入座。明哂，原来系针对我哋，「cut单」只系净系唔俾我地叫野食。
我哋尝试了解返件事，好声好气问男待应「点解cut左单但其他人叫得？我哋系想叫个第二款𩠌，唔系津白。点解讲大话讲已经截单？」佢即刻发哂脾气，大声凶我地话「我由细到大食啲津白都系咁架啦，食咗十几年都系咁食，你想点呀？！」
男侍应最后仲大声呼喝「反正你地都系入黎帮衬得一次，想点呀？」全场静晒，女侍应：「你碗津白食得好少咋㖞，你地一而再、再而三“无理”要求！」
当时我哋仲食紧有排先埋单，其实见到佢不停接客，都知佢呃人。咁有性格唔忧做、赶客嘅，请直接讲唔做我哋生意，讲大话讲得咁低手实在大开眼界。
我哋要求系叫多个𩠌，有啖饱饭食同埋干净卫生，如图所见咁嘅份量两位成人根本食唔饱，请问无理之处系啲咩？其后图中女人扮哂息事宁人，唔该有心解决问题既话，就唔好声大夹恶闹完客人然后当无事发生过，顾客绝对唔系大晒，但餐厅绝对有责任解答客人既疑问，令食客食得安心。
明买明卖，就算只系黎一次，唔通冇权要求更换有问题嘅食物咩？仲要收加一服务费+茶钱。卫生差、唔接受意见、服务态度极度极度恶劣、诬蔑及呼喝客人嘅一言堂餐厅，承你贵言，你请我都唔会再嚟，贴钱买难受。
相信当晚8点餐厅在场嘅人都一定会听到，原来食饭食到一肚气系咁既感受。原来菜有问题系唔准人问唔准人讲，帮衬得一次就可以被无理cut单。
真系多谢哂。
张贴
