越潮

营业中

休息中

之前常来，因为捞檬都算唔错，价钱都算抵。点解唔会再帮衬？因为价钱越来越高，d料仲要越来越少，同埋外卖加钱既数目讲既同菜单度唔符合，真系想赚钱想到咩咁。今日中午天气好热，唔想食热野，就去买左份捞檬外卖，加冻奶茶。俾左钱等拎走，无两分钟佢走上来话要加多一蚊，我就唔明喇，你讲到清楚外卖盒加一蚊，我俾左钱俾你，结果佢话依家冻饮个纸杯都要加多一蚊。我都觉得好好笑，之前次次买佢外卖，都没试过有咁收钱既，今次解释俾我听既时候仲要态度好差，几个人围著我话一直都系加两蚊，未试过我讲既咁。我睇净系一蚊既事，就费事同佢吵喇，仲要我一个人对佢地三个人，好惊，谂住快d攞完就走，唔想同佢地讲喇。等左一阵佢将我既捞檬俾我，个态度都唔好就算喇，个盒同饮料仲要系摆得很难拎，同埋我既冻奶茶佢仲搞错左俾左我冻柠茶。赶时间就费事同佢吵，即刻走人，但系返到屋企楼下d柠茶因为个袋唔正已经洒晒出黎，食既时候个袋仲系度漏水。总之呢间野我唔会再帮衬，亦都睇到之前午市时间坐到满晒既铺头依家冇咩人去食，咁都系可以讲明一d问题ga。