泰妹餐廳 (已結業)

今日同同事食lunch，同事问我食呢间好无，其实我之前食过觉得麻麻地，不过谂住之前食𠮶阵佢新开，而家都开左一排谂住应该okay，点知我真系太天真，我叫左个泰式虾炒金边粉，同事叫左个冬荫公海鲜汤金边粉，等左25分钟，劲肚饿，我同事食完，我𠮶个先黎到，最搞笑系厨房一出就出四个，即系夹齐单先炒，唔怪得之要等咁耐，如果赶时间真系唔好叫炒粉类。炒金边粉个外表都唔错，色水都正常，食第一啖...顶...金边粉无味既...三只虾食落口仲有好重既雪味，最后我食净三分一无再食，我可以食到三分二真系为左医肚，唯一可取既系炒粉类一定够热啰，不过真系可一不可再！