日和号壽司料理 (已結業)

Lunch time揾嘢食，周围啲餐厅都冇位，见到呢间有位就入咗去。坐低发现张枱湿立立有几滩水又有啲渍，见到啲员工咁忙都唔好意思叫佢哋抹下，于是自己抹。用手机scan qr code落单，等咗十分钟左右嚟咗碗海鲜乌冬，味道ok但好少𩠌，咁就收$98😐之后嚟咗小朋友个儿童餐，炸鸡好厚粉，里面嘅鸡肉得一粒仔，小朋友都话好难食😂😂😂之后嚟埋个寿司set，见到个样都知出事，得鱼生薄到张纸咁冚住件寿司饭，全部干争争，最后净系食咗啲甜蛋同2件鳗鱼寿司⋯除咗食物之外想讲下服务态度，啲员工睇得出做到好炆憎，送餐𠮶阵系成碟嘢掉落枱面，有个员工唔知系咪发脾气讲嘢好大声，其他食客都望住佢😅