影片
更多
2023-01-11
834 浏览
庆祝老婆生日，两个星期前订定首先入到去，可能因为闲日关系，门口冇人招呼，虽然好快有人过嚟接待，但系呢个价钱呢个质素嘅餐厅唔应该有呢啲错误，入到去全程有一位女侍应招呼，全程木暮表情，没有笑容，虽然称不上态度差，都系𠮶句呢个价钱唔应该系呢啲质素嘅服务！食物质素方面，由于我系一早预订，叫佢介绍两个前菜俾我，其中一个系鱼子酱海胆蛋黄酱鸡蛋，一共有四件，我成件拍咗入口，成口都系蛋黄酱味，完全食唔到鱼子酱同埋海胆嘅鲜味，仲有𠮶啲酸辣汁同埋蛋黄酱一啲都唔夹，好难食，可能个人口味问题，我就觉得浪费咗啲鱼子酱同埋海胆另外一个系香草蟹饼，唔称得上难食，但系绝对唔系好食，应该改名做香草肉饼，快啲香草味盖过咗啲蟹肉味，呢个价钱唔应该系咁另外牛扒方面，我叫咗个威士忌火焰，当日系牛仔肉眼，好食。。。。好食佢呢间餐厅主打牛扒，如果连牛扒都唔好食就可以执笠啦，虽然好食但系绝对对唔住个价钱！呢个价钱大把餐厅好食过佢，仲可以平过佢另外甜品方面，叫咗一个用锤仔敲嘅朱古力牛奶雪糕榛子，朱古力有朱古力味，牛奶雪糕有牛奶，个榛子一咬。。。。黐牙黐到呢，少啲牙力都打唔番开个口。。。建议假牙人士同埋老人家唔好食！整体来讲，服务质素5
首先入到去，可能因为闲日关系，门口冇人招呼，虽然好快有人过嚟接待，但系呢个价钱呢个质素嘅餐厅唔应该有呢啲错误，入到去全程有一位女侍应招呼，全程木暮表情，没有笑容，虽然称不上态度差，都系𠮶句呢个价钱唔应该系呢啲质素嘅服务！
食物质素方面，由于我系一早预订，叫佢介绍两个前菜俾我，其中一个系鱼子酱海胆蛋黄酱鸡蛋，一共有四件，我成件拍咗入口，成口都系蛋黄酱味，完全食唔到鱼子酱同埋海胆嘅鲜味，仲有𠮶啲酸辣汁同埋蛋黄酱一啲都唔夹，好难食，可能个人口味问题，我就觉得浪费咗啲鱼子酱同埋海胆
另外一个系香草蟹饼，唔称得上难食，但系绝对唔系好食，应该改名做香草肉饼，快啲香草味盖过咗啲蟹肉味，呢个价钱唔应该系咁
另外牛扒方面，我叫咗个威士忌火焰，当日系牛仔肉眼，好食。。。。好食
佢呢间餐厅主打牛扒，如果连牛扒都唔好食就可以执笠啦，虽然好食但系绝对对唔住个价钱！呢个价钱大把餐厅好食过佢，仲可以平过佢
另外甜品方面，叫咗一个用锤仔敲嘅朱古力牛奶雪糕榛子，朱古力有朱古力味，牛奶雪糕有牛奶，个榛子一咬。。。。黐牙黐到呢，少啲牙力都打唔番开个口。。。建议假牙人士同埋老人家唔好食！
整体来讲，服务质素50分
环境质素50分，因为佢安排咗个厕所位俾我，背脊成晚都有人喺度出出入入，餐厅男女都系得壹个厕格，又冇人清理10分污糟，个景几咁靓，装修几咁Grand，灯光几有格调都冇用
食物质素60分
因为我系庆祝老婆生日关系，先叫佢帮我写上Happy birthday老婆，我完全唔介意佢用佢自己嘅艺术将啲字写到潦草又或者其他咁嘅风格，我只碟咁大只，佢将啲字写到细到成只碟嘅10份一，影相起上嚟睇都睇唔到
总之唔会再有下次
两个前菜，一个扒，一个甜品，一杯红酒
多谢31xx元
完
50 浏览
0 赞好
0 留言
张贴
