入麵 (已結業)

开业个阵，去过一次，食物ok,装修ok,一定会俾饮食男女报导，结果真系。但前几晚系第二次，亦都系最后一次，个晚得几枱客。我地order 左粟米饺子，order 左好耐都未到，A店员话原来粟米饺子去左隔离枱，饺子俾隔离枱咬过，隔离枱话冇order过粟米饺子，A店员就叫厨房煮过一份俾我地，食过个份留番俾A店员食。两分钟后，B店员俾一份完整的粟米饺子我地。我朋友叉左一粒，粟米系个底跌晒出黎。A店员见到我地份饺子，就问厨房刚刚隔离枱份饺子去左边，A店员话好肚饿好想食，厨房话拎左出去。A店员望住我地，原来我地食左隔离枱咬过个份粟米饺子。open kitchen系无秘密，而且讲得好大声，生意唔系噤做!!!!