KEW+

营业中

休息中

因为海港城有coupon，所以决定试下呢间睇望几靓又多菜式既餐厅。试完真系唔会回头。平日两人去食午餐，唔洗等位就入得，杯碗碟都好靓好打卡。旬汤好淡味，一上菜即饮都唔热，似系一次过装好好多碗先一齐上枱。饮品分别order latte 同手打青柠柠檬茶Latte 又系淡味，咖啡味唔香，唔推介。反而柠檬茶有惊喜，好香柠味又唔会有酸檬味，值得一试。其中一个主菜系牛油果沙律。味道可以，但加左蛋黄酱令到牛油果味唔出。同想像中有出入，本身expect好多沙律菜上加牛油果。Margarita pizza 好失望，好普通既茄膏加芝士，香草又少，芝士味唔香，不推荐。食完主菜就冇菜再上，叫完埋单睇返张单先记得set lunch有个甜品未上！但系餐厅完全唔记得亦都冇check,好彩睇单见到。要我地同职员讲先送返两碗冇特别既红豆沙比我地总之极不推介，味道麻麻，职员有甩漏，除非钟意打卡，但打卡又好食既餐厅多好多唔需要特别过黎食。