HIPOT (已結業)

之前见呢间野晚晚人头涌涌, 门口排哂队咁, 谂住应该唔错, 所以揾晚就同d同事去试下, 一试先知唔掂, 主要有两大致命伤:1. 食物货不对名Menu上除左一般打边炉野, 另有一d个名几特别o既食物, 例如「红酒墨丸」, 「朱古力猪肉丸」, etc... 我地叫黎试下啦, 但系无论外观同味道, 我地都发现唔到同普通墨丸猪肉丸有乜分别, 极度失望, 有被揾笨o既感觉。2. 上菜速度奇慢当晚六点入座, 唔洗等位。一坐低就order左第一轮十几碟野, 但系上菜系前所未有地慢, 食到七点半都未黎齐, 足足个半钟! 叫第二三轮o既野当然都要等... 大佬, 打边炉已经唔洗你煮定先, 点可能咁慢? 汤底我地拣左「沙爹+蕃茄猪骨」双并, 大家一致认为两样都唔够味。其他食物质素普通啦, 可以一提系肥牛好扺, $8碟有七八块, 都OK。海虾上到台仲识郁, 够新鲜。总括黎讲, 唔会再黎食。