平昌

营业中

休息中

订左2位食夜晚6点30分，去到即时入座，任点任食有分级数，我地叫左每人3百几嘅餐，加支烧酒，连服务费，$400／1位，即$800埋单。7点半已经被通知last order及提醒用餐时间，除左入门带位果个态度非常麻麻之外，其他服务员都正常嘅。带位个果8点走黎叫你埋左张单先，等人攞信用咭都等到唔耐烦，然后搭正8点30分，又系带位果个即刻黎话够钟要交枱，我地应左ok, 其实执返个袋同著返件外套都要少少时间，佢讲完2分钟就行返黎，企正系隔离望实我地，即系要你地即刻离开。讲下食物，极之普通，就系唔难食又唔系话好好食，order左嘅食物通常都唔齐，再落多次都未必会有😅其实2个人食$800， 我唔觉得好平或好抵，通常限时食2小时嘅价钱唔洗咁贵，中途又话last order, 又话要埋单先，连够钟，5分钟时间都唔想比你整理好个人，就即刻要你走咁……我觉得2个人$800消费食韩烧，足够去啲单点食物又唔限时限刻嘅地方食（至少系唔会赶住叫你走先）。唔系好明点解咁多人去食。同埋其他人比嘅负评都真实体会到。真心无下次。👎👎