影片
更多
2024-03-29
1218 浏览
Openrice第一篇食评写左比佢，太难食忍唔住要同大家分享，希望大家唔好中伏真心！唔！好！食！鲗鱼涌人士唔好受骗本人于下午2点叫左一个蛋挞一个pandan pineapple bun外卖，本身已经系谂住留返食early dinner，所以比完钱已经即刻问cashier要”microwave”几耐（佢系外藉人士所以用英文），佢答我”5minutes”我用质疑既语气再问多次佢 “5 minutes for microware?”佢仲要同同事商量完再confirm我 “yes, microware is different from oven, at least 3 minutes”好，唔紧要，或者佢唔识点用microware 或者系我衰，冇同佢讲我microware用几大火力，咁我都冇深究呢个问题，拎咗袋嘢就走咗。到夜晚六点嘅时候，想攞返啲嘢出嚟食，见到原来佢放个蛋挞落去嘅时候喺倒转左放，即系蛋浆向下，皮向上，一打开啲蛋浆差唔多跌出嚟，接受唔到，但佢冇跌到出黎所以都唔紧要。我就倒返转放入去microware即系微波炉，叮第一次用 Warm 30秒，唔热叮等二次用 Low 20秒，唔热叮等
太难食忍唔住要同大家分享，
希望大家唔好中伏
真心！唔！好！食！
鲗鱼涌人士唔好受骗
本人于下午2点叫左一个蛋挞一个pandan pineapple bun外卖，
本身已经系谂住留返食early dinner，
所以比完钱已经即刻问cashier要”microwave”几耐（佢系外藉人士所以用英文），
佢答我”5minutes”
我用质疑既语气再问多次佢 “5 minutes for microware?”
佢仲要同同事商量完再confirm我 “yes, microware is different from oven, at least 3 minutes”
好，唔紧要，或者佢唔识点用microware 或者系我衰，冇同佢讲我microware用几大火力，
咁我都冇深究呢个问题，
拎咗袋嘢就走咗。
到夜晚六点嘅时候，
想攞返啲嘢出嚟食，
见到原来佢放个蛋挞落去嘅时候喺倒转左放，
即系蛋浆向下，皮向上，
一打开啲蛋浆差唔多跌出嚟，
接受唔到，但佢冇跌到出黎所以都唔紧要。
我就倒返转放入去microware即系微波炉，
叮第一次用 Warm 30秒，唔热
叮等二次用 Low 20秒，唔热
叮等三次用 Medium 20秒，少少热
但系我都唔够胆再叮
或者可能真系要好似佢咁讲叮5minutes先热 （笑）
叮完蛋挞就食左个蛋挞先
叮完之后有一层油喺啲蛋浆上面游走😥
已经吸左啲油先食个挞。
个挞食落去第一啖觉得冇味道，
以为系自己饮完支茶，所以食唔到味道
继续食落去，越嚟越唔对路，
完全唔知自己食紧啲咩，
佢有云呢拿籽，但系冇云呢拿籽嘅味道，
佢有蛋浆，但系都冇蛋浆嘅味道，
我本身拎住左张抹手纸包住咗个蛋挞食（因为真系太多油），
点知食食吓个蛋挞，竟然食到张抹手纸嘅味道
我再食多几啖，都系抹手纸嘅味道。
我先意识到，原来将抹手纸仲有味过件蛋挞🤓
$18一个都忍唔住要食咗一半就掉咗佢
之后食个pandan pineapple bun,
呢个冇叮到，因为我平时都接受到食唔热嘅包，
一食落口，都系冇味嘅🤷🏻♂️
又唔似菠萝包，又唔似班兰味道。
食食下原来个包中间有啲班兰酱，
咁多样野只有啲酱有味道
不过都系唔好食既同埋feel到好多油/牛油🤦🏻♀️
收$28蚊一个，再忍唔住食到中间就掉咗
完全系浪费紧我quota
好似食紧好多脂肪落肚咁🤷🏻♀️🤷🏻♀️
可能有人话系我摆太耐既问题，
不过隔离hashtag b都唔系新鲜即场焗出嚟，
我自己隔几个钟叮翻嚟食都唔会话完全冇味道🤷🏻♂️
去普通面包舖买个$10菠萝包摆一阵都未至于个脆皮淋啤啤同冇味
所以我真系唔识欣赏呢间舖头🤷🏻♂️
真心！唔！好！食！
鲗鱼涌人士唔好受骗
P.s. 嬲得滞，食到一半就掉晒落垃圾桶，连相都唔记得影。净系用返个袋去装住自己嘅嘢，得个袋张相。冇食物相。
103 浏览
0 赞好
0 留言
张贴
