Curry Bee

营业中

休息中

今日去铜锣湾食lunch，行过Bee Japanese Curry Shop见到menu几吸引就入左去。set lunch 100蚊有找，选择都唔少。我叫左个咖哩吉列猪排乌冬。通常饮品我都惯左后上，但果waitress不谐广东话，我地讲左之后先叫，佢系咁话我地有两杯野饮，鸡同鸭讲一上菜，发觉货不对版，同menu个图片差咁远既…乌冬系扁果种，姐系由干、硬的筫地煮到变番湿果种乌冬，我个人唔钟意食。咖哩汤好稀，配菜怪，系菠菜，好唔match。猪排冇汁，但啲汤太稀，吉列猪排浸落汤又惊佢稔哂…成件事好骑呢…而且份量少，食完好快饿。一路食就一路忍唔住话唔好食(其实系觉得佢唔值呢个价钱)食set lunch就系为左个甜品，牛奶布甸，其实味道ok，重牛奶味，甜度岩岩好，又够滑，但个size细到目测只有5x3x3cm，份量真系令人非常无奈。餐饮既咖啡好普通，又冇味。唔系一间正常餐厅厅有的水平。服务差，食物又奇怪，份量又少，铜锣湾有咁多野食，一定冇下次。