影片
更多
2022-12-28
422 浏览
我本身系米线爱好者，中意周围食米线，睇左open rice见好多好评，特登行过黎食！一入黎啲位好窄好逼，唔紧要！如果好食我都唔介意！但系真系好难食！啲姐姐仲要态度好差，成日喺度执野行黎行去，好似睇你唔到照撞埋黎。1.个汤底好淡，叫咗金汤中麻辣，一食落去好似谭仔五小辣咁，同啲侍应姐姐讲冇味可唔可以加啲辣，佢个样黑晒唔出声一野拎返我碗插住筷子嘅米线，拎返比我都系插住对筷子嘅，跟住我再食，仍然系冇乜味。唔止唔辣，系咸味都冇乜。2.啲冬菇仲苦嘅。3.啲米线好似渌唔够，硬嘅。4.鲍片好似食紧纸皮咁5.蒜香鸡件，入面旧肉劲细，炸粉劲厚(下面图中纸兜全都系我食剩嘅炸粉6.堂食好多容器同餐具都系即弃好不环保。好失望，网上咁多人话好食，又有报导，咁嘅质素。。。。返屋企煮公仔面好过！
一入黎啲位好窄好逼，唔紧要！如果好食我都唔介意！
但系真系好难食！啲姐姐仲要态度好差，成日喺度执野行黎行去，好似睇你唔到照撞埋黎。
1.个汤底好淡，叫咗金汤中麻辣，一食落去好似谭仔五小辣咁，同啲侍应姐姐讲冇味可唔可以加啲辣，佢个样黑晒唔出声一野拎返我碗插住筷子嘅米线，拎返比我都系插住对筷子嘅，跟住我再食，仍然系冇乜味。唔止唔辣，系咸味都冇乜。
2.啲冬菇仲苦嘅。
3.啲米线好似渌唔够，硬嘅。
4.鲍片好似食紧纸皮咁
5.蒜香鸡件，入面旧肉劲细，炸粉劲厚(下面图中纸兜全都系我食剩嘅炸粉
6.堂食好多容器同餐具都系即弃好不环保。
好失望，网上咁多人话好食，又有报导，咁嘅质素。。。。返屋企煮公仔面好过！
蒜香鸡件
10 浏览
0 赞好
0 留言
金汤麻辣米线
10 浏览
0 赞好
0 留言
张贴
