王家沙．花樣年華 (太古城中心)

营业中

休息中

去太古城买首饰，顺便喺度食埋饭，发现呢度有王家沙花样年华，都真系有好多年冇食过王家沙，见佢有个特价嘅窝仔饭，原价$498，特价$349，梗系点特价菜。上到枱先发现份量真系足够三至四个人食，好大煲又热辣辣，睇啲饭色加上梅菜仲以为好咸，但食落去咸度适中，啲饭仲好干身，粒粒分明。黑豚肉果然比普通五花腩靓好多，肉味浓，又唔会太肥，就算肥嘅位食落去都唔会觉得太肥腻，加上梅菜一齐煮，香味吸引。梅菜亦算高质，少少甜更能带出梅菜嘅香味。