太平館餐廳

营业中

休息中

系中环返工的, 都知道难揾食, 因围迫满人, 唔好食都要排队..太平馆是一好例子, 难食, 贵, 仲要等好耐..唯一可取的是地方环境比较预适中午和同事逛了几条街, 都是人头涌涌, 行过太平馆, 见无咩人, 入去登个记, 原来入面已有几枱人等紧, 但唔想再行, 出面好热, 见有冷气地方等, 等下啦...点知都等左廿分钟...坐底, 睇下个餐牌, 午餐最低消费都要$65, 是焗猪扒饭, 牛脷饭都要$72.... 比得上坚道的鬼佬餐厅, 餐牌上的都要百多银, 都算贵, 但地方ok..算啦..同事叫了砵酒焗猪扒饭, 自己食斋, 叫了咖哩杂菜饭..咖喱.. 冇咩咖喱味, 得个辣字... 不过杂菜ok, 有薯仔, 鲜冬菇, 西兰花, 粟米仔, 甘笋...同事个砵酒焗猪扒, 上枱时黑麻麻, 几旧不同size 和形状的甘笋, 切工都咁差... 同事话味道古古怪怪, 甜甜地咸咸地, 个炒饭底, 白side-side...佢最后的结论是: 唔好食!餐汤罗宋汤, 本来味道ok, 算多料, 但落左粉煮, 杰达挞, 划蛇添足... 浆糊咁...唯一可取是个餐饱热辣辣...餐饮冻柠茶, 唔甜(冇叫走甜) 兼冇茶味