小房子 (已搬遷) 新店位置

寻晚同朋友食生日饭，见到呢间环境靓靓就拣咗呢间。前一晚已经打电话去问，话冇得甜品写字同蜡烛要我自己准备，咁都冇问题，我自己带蜡烛去。上到去，好少客，得个10个客人左右。点餐畀钱个时同个收钱嘅店员姐姐讲话麻烦上甜品个时帮我点蜡烛，跟住就亲手交咗两支蜡烛畀佢，佢都话冇问题，但态度冷淡。食完主餐到上甜品，个店员拎住个雪山多士过嚟竟然系冇点蜡烛。。。（我只蜡烛呢？！😱）我当时呆咗，我冇出声，因为原本谂住畀个惊喜我朋友，点知系得我有惊，我抑都冇嘈佢，唔想破坏当时气氛。其他店员d态度都唔错，但收钱个店员就。。。🌝原本想畀个小小惊喜我个好朋友庆祝生日。选择咗呢间cafe系我唔好彩。。。食物一般，个茶渍饭唔好食，个汤超级少，一个小壶装住唔够两个人份量，需要再添加都唔够，整到似粥咁。d汤又唔够热，成个系冻嘅。。。系得个番薯同蒸蛋好食！我朋友都话呢间d价钱太贵，与食物质素唔符合。雪山多士就一般。最好饮系杯樱花梅子soda！