泰寫意 (已結業)

见泰写意位置自成一角，感觉好舒服，所以专诚去一次试下一入去已经完全打破写意呢个感觉，可能楼底矮，八成满坐感觉劲嘈，嘈过街市我两个人叫咗三样嘢，一杯嘢饮1. 泰式咸鱼炒饭 有咸香味，够浓味，但啲鸡肉有阵雪味2. 马拉盏炒通菜 香口菜嫩，同出面食嘅差唔多3. 海南鸡半只 抱歉，因为等到无胃口，所以不予置评由落单到食晒头两样都未见只海南鸡（超过半个钟），于是问问侍应系咪漏单，想取消唔要，侍应好大声咁话海南鸡好多功夫，要蒸15分钟（？！）,我哋反问落单时间，就话查唔到，但就不停话只鸡有落单同整紧（未入厨房睇），之后就入咗厨房五分钟左右就拎碟鸡出嚟！虽然我好少见海南鸡热辣辣，但见佢话要蒸十五分钟，梗系要见识下系咪有热辣辣嘅海南鸡，但只鸡冻嘅！！！垫底嘅菜芯都系冻嘅！！其实系合理，但对侍应嘅前言不对语已经极度不服气！我唔会再去下次