影片
更多
2020-08-18
175 浏览
我呢..真系好少写食评，今次迫到我写食评.. 话说依家6点后唔比堂食.. 谂住帮衬下小店..经过见到汉堡包卖相几吸引.. 就决定帮衬..一入到去.. 完全无招呼.. 又无量体温.. 埋到去收银落单，收银小姐语气冷淡 好似听紧你落单 但又好似心不在焉咁... 我叫左个牛魔王汉堡加大蘑菇（$14）加左$18转餐 有汽水 同三文鱼手指， 再叫左个滋味鸡翼盘 $36... 落完单之后，佢问我 要咩包.. 我又重复多次.. 然后我问佢 大蘑菇系咪等于大啡菇... 佢唔答.. 转向后问厨房 有无大蘑菇呀？ 点知厨房大声话 唔煮啦 好麻烦. 个收银小姐就话 卖哂... 我呆左.. 19:10 都叫做旺市.. 竟然怕麻烦唔煮...我都算. 转头收银小姐又再问我 剩要一个包？ 我又再重覆一次.. 然后佢心不在焉咁又覆一次单... 我真系有少少炆.. 我问 仲要讲几多次？ 佢话覆多次怕错. Ok 我真系覆多次.到我成功比到钱 等到外卖之后， 佢叫我号码， 一野扔系枱面. 咩态度？ 无礼貌 收钱一句多谢都无. 依家仲要好似乞食咁. 我拎起外卖 望下有无执漏. 真系有. 我转头问佢 差罐可乐. 佢话：你都无落
话说依家6点后唔比堂食.. 谂住帮衬下小店..经过见到汉堡包卖相几吸引.. 就决定帮衬..
一入到去.. 完全无招呼.. 又无量体温.. 埋到去收银落单，收银小姐语气冷淡 好似听紧你落单 但又好似心不在焉咁... 我叫左个牛魔王汉堡加大蘑菇（$14）加左$18转餐 有汽水 同三文鱼手指， 再叫左个滋味鸡翼盘 $36...
落完单之后，佢问我 要咩包.. 我又重复多次.. 然后我问佢 大蘑菇系咪等于大啡菇... 佢唔答.. 转向后问厨房 有无大蘑菇呀？ 点知厨房大声话 唔煮啦 好麻烦. 个收银小姐就话 卖哂... 我呆左.. 19:10 都叫做旺市.. 竟然怕麻烦唔煮...
我都算. 转头收银小姐又再问我 剩要一个包？ 我又再重覆一次.. 然后佢心不在焉咁又覆一次单... 我真系有少少炆.. 我问 仲要讲几多次？ 佢话覆多次怕错. Ok 我真系覆多次.
到我成功比到钱 等到外卖之后， 佢叫我号码， 一野扔系枱面. 咩态度？ 无礼貌 收钱一句多谢都无. 依家仲要好似乞食咁. 我拎起外卖 望下有无执漏. 真系有. 我转头问佢 差罐可乐. 佢话：你都无落过单. 我火都黎，我话我覆左你4次有多 你仲话覆多次惊出错. 你依家系比漏左. 佢话咁比返你. 唔好意思一句又无 比漏左第一个反应系赖客人？ 覆左4次单你都出错， 有无心工作？
讲返食物先， 一打开个$36鸡翼盘 见到+$18 既三文鱼手指.. 简直震惊
恕我不能接受， $36 得2只炸过龙既鸡锤 3只迷你炸鸡翼.. 仲有$18 得2条幼到不行了既三文鱼手指 仲要食落去咩味都无.. 似食紧炸粉..到佢个招牌汉堡.. 不过不失. 牛味唔够香.. 有少少搞笑系..包以外系酸酸地既汁...个汁系另外淋系侧边... 要拎起个包 dip汁食...
主打汉堡不过不失.. 小食偏贵 性价比低， 再加上服务态度恶劣， 影响哂用餐心情， 唔会再有下一次！
张贴
