山下菓子 (如心廣場) (已結業)

其实一日之前已经去过一次，门外排紧长龙都照排，只因小朋友好想试，见好多人已经book枱入先，其实接受，因为自己walk in 无booking，咪排队等，排队期间见排紧第一位嘅客人好劳气咁同职员讲紧，话职员应该讲清楚俾后面排紧队嘅人知道仍然有好多booking，可以俾人考虑一下等唔等，呢个客人其实已经等超过两个钟，而期间系不停有booking喺佢前面入去致令佢忍唔到要岀声，我听完之后就离开咗，之后book咗今日1200点再去过。今日11点50分谂住早到少少，职员寻日电话话1200点开舖，15分钟唔见人就无咗booking，一定要准时到，但最后舖12点3先开，客人排喺岀面等，其实问心已经好唔钟意呢啲服务，入到去两个职员只顾同我讲有最低消费，大人150，小童80，电话落单，成个menu竟然八成嘢食都系话无材料，无得落单，真系几好笑，真心我未去过一间咁嘅食肆，真心垃圾一间，嘢食唔需要多讲，唔系小朋友我唔会食，贵得唔值得，职员态度爱理不理，完全无态度，垃圾一间，请我去都唔会再食。荃湾如心舖，其他分店唔知，呢间一定系垃圾。