Three Bros Chicken Pocha

营业中

休息中

之前食过几次，食品质素叫做OK但系性价比不高，不过胜在佢唔会赶客，冇时限，所以今次系第三次去食，纯粹系揾地方聚一聚食一个饭，四个人叫咗两个餐，加埋啤加3支啤酒，埋单1200百几， 之前嚟食都系自己动手烧，今次见到有人帮手烧好晒亦都几好食，不过食得好赶，食完啲嘢食韩国𠮶啲腌菜都冇乜点加俾我哋，但系我哋仲有啲酒未饮晒，咁咪斋饮酒，喺度倾吓偈啰，点知佢哋走来叫我哋埋单，我当时话俾佢知我仲有杯酒未饮完佢都唔理叫我哋埋单，环顾四周其他枱都冇呢个待遇，唯一嘅分别就系我哋全女班。温馨提示大家如果要再去食嘅时候，最好唔好一次过叫晒所有嘅食物，慢慢一个一个点，最好有男士一齐去。