Signature by 5R (已結業)

被网民取名为唔会溶化嘅雪糕，味道到底系点呢？✨法式忌廉牛油酥皮筒小编今日买咗三款：云呢拿吉士、抹茶红豆、蓝莓芝士🫕 ，先要赞佢嘅枫糖号角，真系劲好味，劲酥脆(⁎⁍̴̛ᴗ⁍̴̛⁎)而且全部即场制作，望住店员一圈圈咁吱真系够晒仪式感。特别喜欢佢嘅抹茶红豆口味，抹茶忌廉浓郁清幽，口感够滑，底部放上绵绵甜甜嘅红豆蓉，食落双重口感！✨经典开心果拿破仑、芒果拿破仑两款拿破仑都各有千秋，不变嘅系香酥口感。开心果味特别印象深刻，用上原颗开心果打碎而夹于脆饼其中，颗粒口感够哂丰富；芒果味清甜，配搭吉士酱亦都做到甜而不腻。✨香橙朱古力蛋糕做得有层次，镜面光滑，朱古力慕丝幼滑香浓，里面更有用上新鲜鲜橙整成嘅果酱，两款口味并无喧宾夺主，反而食完带点清香。