貓咪貓咪HOME (已結業)

今日同男朋友到餐厅，因为听讲好多猫咪好得意，所以特登试吓，上到去其实环境几好，好多猫咪，猫咪都好得意。点左餐之后，试食过D野食同野饮其实真系好一般，但觉得有猫睇都无乜所谓啦。但系去到买单嘅时候我地发觉银码大左，跟住就问职员，原来系我其中一个order嘅餐出现问题，落单既时候职员话有跟野饮，所以我哋就叫左杯咖啡，预左要补少少差价，但到埋单嘅时候职员就话其实系唔跟野饮，一定要我地补成杯嘢饮既原价。佢哋非常唔礼貌，尤其是个男职员，全程黑面，多谢都无句，我唔介意野食唔得，但今时今日咁嘅服务态度真系完全接受唔到啰！！明明系职员出错，但讲到好似客人老屈咁，所以只此一次，以后都唔会帮衬！！