羊滋味

营业中

休息中

行过太子唔知食咩好，见到间专食羊肉餐厅好多人帮衬，价钱又唔贵，决定入去试下。今餐食左个全羊宴，推介要试下煎羊肉饺子7只（$48），饺子煎得好香脆，而内里爆汁。另外一个好特别的是沙锅羊肉米线（$58），餐厅话呢个系佢地独家的粗糯米粉，外型似乌冬，好滑溜，而咬落就烟烟韧韧，伴上清甜的白萝匐、豆卜、云耳同埋羊肉汤底，暖胃。试左一试个葱烧羊腩饭（$88），一上枱就闻到香喷喷，好多件羊腩，食落唔会有羊骚味，好适合伴饭食。最后，一定要叫番D串烧食下，必点烧茄子（$30），好大条烧茄子，多肉，入面烧到一丝丝的香软，蒜香葱花辣的调味配得好好。另外，再试左鸡软骨（$35/3串），羊肉串（$18），牛肉串（$18），都烧得好好食，味道恰到好处。