菜菜鍋 (康怡廣場) (已結業)

拣左一人一锅，得鸳鸯锅，所以一人拣两个汤底，好处系可以试两款口味，唔好处系本身个锅已经细，仲要好浅，分一半就好逼，窄到摆旧芋头/细面饼落去就已经郁唔到，浅到摆旧大鱼蛋落去都浸唔过。汤底偏淡，我个人点左香辣汤同猪骨汤，香辣汤完全唔辣，自己去左调味料区加辣椒，猪骨汤亦冇味。每枱有个细壶比人自己加汤，一枱4个人，加一次都唔够，叫人又叫好耐先有人应。加既汤系铿鱼昆布汤，目测系清到水咁既汤，再加啲白色粒粒。牛肉分4个价位，第一级睇相都觉得好肥，所以拣左第二级特上肥牛，$228，但觉得唔值，又薄又輆。野食种类主打都系蔬菜类，但当日7点左右入座，好多都空空如也。手打丸类其实算ok。调味料区有好多选择，即食熟食有南瓜汤有饭有咖哩，咖哩睇落都几浓几足料。唔系话好差或者劣食，但呢个价钱可以有其他选择，我就唔会再encore。胜在有得电话book位，如果唔食牛，唔介意汤底淡味/要自己调味，其实都可以接受。