Mamaday (已搬遷) 新店位置

心情好要食饭，心情唔好都要食饭。今次介绍位于尖沙咀嘅「Good Day Bad Day」就主打玩味设计，无论系餐厅Menu，又或者系餐厅设计，都俾人一种脑洞大开嘅感觉，见到都会会心微笑。Seafood Platter 呢个套餐会包含两杯酒精饮品，我就拣咗两杯白酒。另外海鲜套餐当然唔少得有大只龙虾、鲍鱼、翡翠螺、鲜虾和青口。龙虾入边仲有橙红色嘅龙虾膏，新鲜又弹牙。Spanish Seafood Paella 见到橙黄色嘅饭粒就知道系西班牙海鲜饭，饭上面就系原只鱿鱼，见到外皮烧到微焦就已经流晒口水。Honey Grilled Citronella Pork Jowl 香甜又入味嘅猪颈肉，原来加入咗蜜糖同埋香茅做配料，我自己都觉得同虾片一齐食就最特别。Half Cooked Tuna Pizza Pizza就食得多，半熟嘅吞拿鱼配搭pizza第一次见。半熟嘅口感香口之余又唔会影响吞拿鱼本身嘅甜味。Oyster with Tomato Sauce Fettuccine 酥炸嘅生蚝，薄薄嘅炸粉更加可以锁住肉汁。而意大利宽面挂上蕃茄酸甜酱汁，感觉上好开胃。Salmon Tartare 绵密口感嘅吞