犇殿台灣火鍋 (東港城)

营业中

休息中

天气寒冷，最啱就系同朋友去打边炉烚吓烚吓！呢间火锅店主要系卡位，座位阔落，企理干净，坐得舒服！落咗沙茶汤锅底之后，我哋就出去攞啲小食嚟试吓，同夹吓其他火锅配料。小食嘅款式有好多种，炸物有：炸粟米、炸香芋地瓜圆、炸饺子同炸鸡等等！如果唔想咁热气，仲有皮蛋豆腐、芽菜、凉拌云耳、卤水鱼蛋、肠仔等等，任君选择！火锅配料选择同样很多！主要系蔬菜类（娃娃菜，菠菜，生菜、杂菇同埋大量杂丸）实有一款啱你食！我哋拣咗最平𠮶个餐，虽然系平餐但肉一啲都唔差。朋友叫匀晒牛肉、猪肉同羊肉，每片肉都肥瘦均秤，油脂分布平均，食落口感软腍，肉味香浓，所有肉类任食，真系啱晒一些食肉兽的朋！沙茶汤底很香浓，可以不用点任何酱料，渌完的所有食物已经好够味！我打边炉唔系好钟意饮气水，呢度除咗有气水啤酒嘅饮品之外，仲有几种茶任君选择，我就拣咗桂花乌龙，有淡淡桂花嘅幽香又有乌龙茶香，非常之好饮！食完正餐之后仲可以食雪糕，超级满足。可能因为圣诞节，所以连雪糕杯都好有圣诞嘅气氛。