Luna Kaffe

营业中

休息中

今日去食左一间喺旺角嘅铁板烧专门店，发现入边除咗铁板烧，仲有好多其他嘢食拣，个burger同意粉都几好食！价钱都好亲民，跟set嗌仲可以加甜品同埋小食，值得大家试吓！是日餐汤粉首先套餐会包咗一个汤，今日嘅汤系忌廉蚬肉汤，忌廉汤口感好顺滑，仲有好多蚬肉仔～重量级安格斯牛肉汉堡伴薯条一嚟到见到个份量，有啲惊喜！超级大块安格斯牛肉汉堡扒！真系重量级，另外仲有好多新鲜配料，例如烟肉洋葱同埋芝士，非常Juicy, 旁边仲放咗啲酸青瓜同埋蕃茄可以自由决定落唔落。食落口肉感非常饱满 ，而且牛肉非常多汁，充满安格斯牛肉味！另外配上新鲜炸嘅薯条。香蒜榄油海鲜意粉香蒜味味味好浓郁，海鲜都有好多款式，包括有鱿鱼蟹柳蚬仔同埋虾，同榄油味好夹。香辣鱿鱼 （+$38）烧到好香嘅香辣鱿鱼配上照烧汁，非常惹味，口感烟韧～焦糖炖蛋 （+$28）最后加咗钱食咗一个甜品，$28嚟讲都几抵食，焦糖烧到非常脆，而且炖蛋做得都几滑，整体感觉唔错。Yellow Pine 一杯油菠萝沙冰，菠萝味好香甜，夏天饮沙冰就啱晒！柠檬菜蜜另外就嗌咗杯热饮柠檬菜蜜。