鼎家喜筷 (已結業)

话说最近因为想食好既烧味中左好多伏，今次行完donki就同朋友入左鼎爷主理既鼎家喜筷试下有冇伏～相比起传统既烧味店，鼎爷呢间就相对地年轻化好多，四围都系佢既肖像插图，而且除左烧味之外仲有日式沙律、台式饮品同甜品，都系几意想不到既配搭。烧味又点可以冇叉烧，今次点左叉烧同埋烧鹅，可以拣切定唔切，因为想同朋友SHARE所以都叫师傅切左。叉烧要左半肥瘦，两款睇落都几肥美又有光泽～叉烧肉质好淋好嫩口，香蜜味；而个烧鹅本身都烧得唔错，鹅皮好甘香脆口，有配一个柑橘酱，加埋黎食可以去左油腻感，个酱有少少似香橙朱古力既味。跟餐配日式芝麻酱沙律，细细份当食啲菜都唔错。叫左杯乌龙芝士奶盖，充满台湾风味，芝味浓厚！我自己就比较喜欢水果茶，够哂清甜，食完咁肥美既烧味饮返杯茶真系一流既享受～食完叉烧+烧鹅饭都唔够喉，又叫左份馍饼双拼，入面都系叉烧同烧鹅，同朋友交换口味黎试，味道同饭既烧味差唔多，不过夹多左块青瓜同馍饼，口感唔错。最后甜品拣左吐司我觉得算系烤得唔错，比想像中好，因为出面好多烤吐司都成旧烤到砖头咁、或者中间完全冇烤过，呢份都烤得几平均，每格都香脆甜美；至于个雪糕就比较普通，我拎左花茶配既黑糖倒落去食，