丸十あぶり牧場 (已結業)

原来丸十有几间分店㗎，今次去新世纪广场，又发现佢，不过呢间有埋烧肉食，真系好多选择😍不过上次食完佢嘅刺身同寿司，觉得好新鲜又足料，所以今次打算试吓佢嘅鲔鱼拼盘😍真系一食就会爱上。我首先用紫菜包住鱼肉，加啲Wasabi同青瓜，非常好味。之后就由赤身开始食，然后系中拖罗，最后食大拖罗，真系非常非常满足，用入口即溶嚟形容一啲都唔过分。另外叫咗份定食，左口鱼裙边，呢个都非常非常推介，裙边本身就好肥美，微微烧过，啲鱼油滴晒落啲饭度，真系非常香口，而且定食仲包面豉汤、蒸蛋同沙律，仲可以追加饮品同雪糕😍推介呢款抹茶雪糕都非常好味呀。