武士拉麵 (已結業)

今晚同老友去尖沙咀行开街！所以专程再次拜访武士 Sam，依间小店真喺越嚟越出名！晚上八点时间依然成班人喺到排队！排咗大约十分钟左右，终于可以坐低饮啖茶！绿茶任饮喺依嘅到常识，依然欣赏味道非常浓厚！见又有新出品，所以今次叫咗依个《九州地狱拉面》！一样都喺硬面，浓汤！依碗拉面虽然见佢红当当，但真系唔够辣！对于个人嚟讲，根本都唔辣添！但当饮第二啖汤时，竟然饮到第二种鲜味！吓，鲜味？无错，真喺鲜味！好好奇问吓武士 Sam，究竟今次依个新出品有咩特别呢？武士 Sam 依然都喺含糊不清咁，但终于都走漏口风话，今次依个《九州地狱拉面》加入咗九洲风味特制嘅辣椒油，加上花生、黑椒、山葵同鱼介！咁鱼介喺咩料呢？我问返 Google 神，鱼介即喺鱼类同有介甲的水生动物！依啲咁专业嘅学问，我真系识条钢咩？虽然唔知喺咩嚟，但只知汤底味道效果几有层次咁！如果只得全辣味的话，其实同食碗云南米线冇分别！叉烧、面底同流心蛋欣赏之处真喺唔多讲，因为之前都讲过好几次点好食！总体嚟讲，依个《九州地狱拉面》辣得嚟有层次，就喺依碗拉面精要所在！下次有时间，真喺要再嚟试吓！110蚊，试过就知道抵唔抵食！