影片
更多
2022-08-07
2198 浏览
《The Lounge & Bar - 尖沙咀》好耐好耐都冇食过八婆下午茶啦😂记得以前返工成日要外出工作，变相偷到好多时间出嚟去食好嘢😬但系转咗工之后时间稳定咗，变咗平日好少机会可以食Tea，今次难得闲日有假放，所以可以提早约定朋友试吓想食好耐嘅afternoon tea set😬由于Ritz Carlton 有两个tearoom可以食下午茶，而两边既款式都唔一样，book既时候要睇清楚系边一间，预约嘅过程都好简单，我喺返官网拣返想去嘅餐厅嘅预约登记，约咗下午3:00两个大人加一个小朋友，过程都好方便😁当日要先去到酒店大堂楼层再用扶手电梯落返一层先到大堂酒廊，嘟完安心出行之后酒店同事好快就帮我哋安排窗边座位🤩值得一赞嘅系酒店职员由头到尾嘅服务态度都超级超级好😘坐低咗之后当然系例牌打卡影吓相先啦😝我哋order左Gusto d'Italia Afternoon Tea Set $748/2人，一共有四个咸点、五个甜点同埋每人两款scones 加clotted cream and jam等我逐样介绍吓先💁🏻♀️寇帕火腿配瑞可塔芝士及油渍蕃茄意大利香草面包呢一款三文治因为有Parma Ham
好耐好耐都冇食过八婆下午茶啦😂记得以前返工成日要外出工作，变相偷到好多时间出嚟去食好嘢😬但系转咗工之后时间稳定咗，变咗平日好少机会可以食Tea，今次难得闲日有假放，所以可以提早约定朋友试吓想食好耐嘅afternoon tea set😬由于Ritz Carlton 有两个tearoom可以食下午茶，而两边既款式都唔一样，book既时候要睇清楚系边一间，预约嘅过程都好简单，我喺返官网拣返想去嘅餐厅嘅预约登记，约咗下午3:00两个大人加一个小朋友，过程都好方便😁当日要先去到酒店大堂楼层再用扶手电梯落返一层先到大堂酒廊，嘟完安心出行之后酒店同事好快就帮我哋安排窗边座位🤩值得一赞嘅系酒店职员由头到尾嘅服务态度都超级超级好😘坐低咗之后当然系例牌打卡影吓相先啦😝
我哋order左Gusto d'Italia Afternoon Tea Set $748/2人，一共有四个咸点、五个甜点同埋每人两款scones 加clotted cream and jam
等我逐样介绍吓先💁🏻♀️寇帕火腿配瑞可塔芝士及油渍蕃茄意大利香草面包
呢一款三文治因为有Parma Ham咸咸地，同蕃茄酱既酸味原来都几夹，作为开胃菜都几好
💁🏻♀️柠檬虾及银鱼柳辣椒迷你汉堡
迷你汉堡上面嘅我称之为沙律😂质感其实有啲似吞拿鱼沙律，不过食得出鱼子既甘甜味
💁🏻♀️香辣蕃茄馅饼（素）
呢一款咸点我觉得可以话系用黎清清味蕾既，我几欣赏个批底好酥香
💁🏻♀️意大利芝士炸饭团
入面应该系有芝士的，因为一食就有拉丝啦，呢个亦都系四款入面我最钟意嘅咸点
💁🏻♀️开心果意式奶冻
甜点时间，其实我一睇到Menu上面有开心果嘅甜品已经好开心😃而呢一个开心果奶冻好香开心果同埋士多啤梨味🥰原来士多啤梨同开心果可以咁夹嘅🥲如果可以encore就好啦
💁🏻♀️柠檬瑞可塔蛋糕
一款好传统嘅柠檬蛋糕🍰识落都算清新，不过质感比较厚实，我个人对于呢一个蛋糕感觉一般
💁🏻♀️鲜果芭芭
好味，呢个甜品充满住柚子同柠檬嘅清新，但系上面嘅忌廉刚刚好中和到𠮶种甜腻
💁🏻♀️意大利芝士蛋糕
由于我个人对Tiramisu兴趣不大，所以对于呢一件冇太多评价，好彩唔算好甜😚
💁🏻♀️红桑子奶油甜卷
我发觉呢间餐厅有忌廉既甜品都几好食呢🤓我以为红桑子会偏酸，我估应该系忌廉帮忙调和左个酸味🥰呢一款甜点我都几喜欢
💁🏻♀️原味松饼及葡萄干松饼配草莓果酱及奶油忌廉
压轴要讲嘅一定系佢哋嘅英式松饼🥞一款原味，一款加左提子🍇个质地唔系湿润𠮶种感觉，反而系偏向酥脆，好快就比我食晒两个😝记住，clotted cream 同士多啤梨果jam都一定要涂满整个松饼先好食㗎
总括而言，呢间餐厅嘅afternoon tea set所有咸甜点都系好食嘅😬虽然有一两款对佢既味道真系冇乜印象，但系我记得所有点心我都系满意嘅😬
张贴
