木船泰國粉麵專門店 (已結業)

上星期同朋友嚟咗大埔呢间木船食泰国嘢，其实餐厅更加近太和站，喺太和站对出行7分钟左右就到。餐厅装修如舖名，真系好似置身于一架用木造嘅船入面咁，几有心思。我同朋友就叫咗个招牌烧豚肉饭同芝士肉酱焗意粉，再加上两个必叫嘅椰青。估唔到泰国餐厅会有芝士肉酱焗意粉，一于试试你。先讲佢个招牌烧豚肉饭，烧汁甜甜地，捞饭几正，上面嘅木瓜沙律酱汁都偏甜，如果好甜应该会几钟意呢个饭。木瓜沙律下面有粒温泉蛋，整体都几好食。跟定食我哋拣咗个冬阴功汤，都几正宗，有椰香。仲配有三款小食甜品，三样味道都唔错。个肉酱意粉芝士唔算多，但佢嘅肉做得比其他出面连锁餐厅好，佢唔系净系用大量嘅肥肉去提升佢个香味，瘦肉比例高，所以唔止食意粉，仲清晒啲肉碎，唔错。最后饮埋两个新鲜椰青，满足！