家常麵

营业中

休息中

呢间饺子差唔多每个星期都会帮衬一次买返屋企煲面，钟意佢有家既味道，感觉健康✨今日收工黎试下堂食， 先饮个虫草花炖乳鸽汤， 入面仲有红枣， 味道好清甜无味精既感觉。✨陈皮山渣洛神花茶： 酸酸甜甜几开胃，而且洛神花本身都好有益，有养颜美容、降血压护肝等功效，好过饮汽水。✨招牌担担面+菜肉云吞: 菜肉云吞皮薄馅多, 担担面可以比我走辣太开心，唔错有淡淡既花生香，入面仲有榨菜,肉碎，樱花虾。✨招牌花生酱拌饺： 呢个柳叶饺真系包得好靓，喺其他地方好少见到. 食落系超热,入面既饀系韭菜，葱，红萝卜，猪肉。花生酱都香，但个饺味相对突出， 之后我拎个酱黎捞左啖面，原来系好好食，下次可以试花生酱拌面。✨美味熏鱼：唔系讲笑呢个真系好好食, 以前食开果d 熏鱼都系干争争。 呢个汁本身已经好好食酸酸甜甜，个鱼系微脆得黎好嫩滑而且无骨，啱晒我哋呢啲唔识食鱼既朋友。✨香炸鸡中翼 : 新鲜炸起超级热， 个鸡翼都几大只，外脆内软嫩滑多汁， 仲有d 香草味，我觉得好食过谭x.原来除左饺子，炸物都真系几有惊食👍🏻如果过黎一定要试下。