Book B Kitchen Mealmeal (已結業)

同朋友两个去南丰纱厂行下，上一层就见到呢间一半书店一半餐厅嘅地方。我哋坐岀面位置，虽然系矮bar枱，不过仲好似阔落咗。我哋叫咗招牌椰菜南瓜蓉味增豆乳乌冬同鹰嘴豆酱油渍蕃茄蝴蝶粉。个乌冬嘅南瓜稍微烤过，食落唔会就咁一pat pat嘅口感，而个汁酱比较杰身，捞落个乌冬度个乌冬热得来又唔会辣亲我个嘴，仲有秋葵，都唔系一pat pat嘅口感。整体无同啲乌冬融为一体，口感唔错。个蝴蝶粉就唔觉有鹰嘴豆，唔知系唔系整左落个酱度。不过个蝴蝶粉有羽衣甘蓝，同埋蕃茄干。啲蕃茄干食落酸度啱啱好，反而有助开胃。