影片
更多
2017-11-23
186 浏览
本身想去IKEA食下拼盘，可惜热潮未过 即使礼拜三仍然排哂长龙，于是就近近地喺返中染大厦呢个小美食商场觅食。最后选择左呢间「龙门一番 上海紫砂·炖汤」，除左个名够劲之余舖头环境设计都好吸引好似文青cafe咁。入座后侍应即时递上餐牌同问我地要咩茶，特别既系每个位都会有个专属小茶壶，等食客可以自己决定茶叶多少同浓度，亦唔怕落得太多水浸耐左 出现前淡后浓既问题，认真周到同男朋友两人总共叫左四个菜一个甜品：- 百合木耳炒秋葵（$68）- 山东手丝鸡（$72）- 鳝糊两面黄（$72）- 黑将军墨鱼水饺（$48@6只）- 香芋锅饼配雪糕（$48）山东手丝鸡，配以三种特制酱料（味道大致系辣椒酱、酸梅酱同豉油）。份量颇多，肉质嫩滑，个人偏好中间既酸梅酱，食落酸酸甜甜好开胃；男朋友反而中意辣椒酱，因为味道带麻辣，鲜少喺出面食到。百合木耳炒秋葵，健康清淡既一款菜式。虽然煮法用炒，但食落唔油腻，岩哂追求健康既都市人。秋葵，唔会炒得好干身，仍然保持黏滑湿润既口感；木耳好爽口，同秋葵好夹；百合外面爽脆，咀嚼起黎带粉，口感好丰富。鳝糊两面黄，钟爱鳝糊既人必选平时食上海野鳝糊通常都系配粗炒/饭，呢度有得拣两面黄先讲
可惜热潮未过 即使礼拜三仍然排哂长龙，
于是就近近地喺返中染大厦呢个小美食商场觅食。
最后选择左呢间「龙门一番 上海紫砂·炖汤」，
除左个名够劲之余舖头环境设计都好吸引好似文青cafe咁。
入座后侍应即时递上餐牌同问我地要咩茶，
特别既系每个位都会有个专属小茶壶，
等食客可以自己决定茶叶多少同浓度，
亦唔怕落得太多水浸耐左 出现前淡后浓既问题，
认真周到
同男朋友两人总共叫左四个菜一个甜品：
- 百合木耳炒秋葵（$68）
- 山东手丝鸡（$72）
- 鳝糊两面黄（$72）
- 黑将军墨鱼水饺（$48@6只）
- 香芋锅饼配雪糕（$48）
山东手丝鸡
$72
35 浏览
0 赞好
0 留言
山东手丝鸡，配以三种特制酱料（味道大致系辣椒酱、酸梅酱同豉油）。
份量颇多，肉质嫩滑，个人偏好中间既酸梅酱，食落酸酸甜甜好开胃；男朋友反而中意辣椒酱，因为味道带麻辣，鲜少喺出面食到。
百合木耳炒秋葵
$68
20 浏览
0 赞好
0 留言
百合木耳炒秋葵，健康清淡既一款菜式。虽然煮法用炒，但食落唔油腻，岩哂追求健康既都市人。
秋葵，唔会炒得好干身，仍然保持黏滑湿润既口感；
木耳好爽口，同秋葵好夹；
百合外面爽脆，咀嚼起黎带粉，口感好丰富。
鳝糊两面黄
$72
72 浏览
0 赞好
0 留言
鳝糊两面黄，钟爱鳝糊既人必选平时食上海野鳝糊通常都系配粗炒/饭，呢度有得拣两面黄
先讲鳝糊，每条都肥大爽脆，酱汁调较得恰到好处，咸甜适中；
炒面中心索左汁后口感松软，味道岩岩好，非常惹味，但外围建议可以煎得再香脆啲。
黑将军墨鱼水饺
$48
22 浏览
0 赞好
0 留言
黑将军墨鱼水饺，外皮加左墨鱼汁所以卖相睇落黑漆漆咁。
唔知系因为加入墨汁定师父手势搓得好关系，饺子皮特别有咬劲，厚身但唔会硬；
猪肉馅亦有混墨鱼，软稔多汁，卖相看似重味却隐藏双重鲜美。
随水饺仲配上醋同辣酱，但我地都系中意唔点酱汁食，原汁原味先系皇道！
香芋锅饼配雪糕
$48
58 浏览
0 赞好
0 留言
甜品一上真心有惊喜，卖相形似西式甜品，配上雪糕同绵花糖，女士见到实中意
香芋锅饼，上菜时唔系热辣辣，略为失望；
馅料系真芋蓉，所以味道唔会假同太甜，亦保留到芋头绵密既口感；
可惜表面既糖霜太多，掩盖左香芋本身既香味。
雪糕有曲奇、朱古力同云尼拿可以拣，可惜曲奇无哂，我地拣左后者；
雪糕同出面既差唔多，无咩好点评，但配以锅饼一齐食出乎意料地夹。
整体黎讲，价钱适中，味道比其他同类上海野清啲无咁油腻，座位未至于阔络但坐得舒服，同屋企人/朋友晚饭小聚既好选择
张贴
