相馬日式火鍋 (已結業)

烧肉同埋火锅 我就一定会拣火锅！呢一间火锅放题真系好抵食！！晚市120分钟嘅放题平日$268，假期都系$288 咋！三百蚊唔洗，就可以疯狂任食美国特选牛肩胛😍😍唔系讲笑！佢每一碟肉都好新鲜，好靓，系鲜红色嘅！最钟意就系食牛肩胛肉，入口好软嫩，唔会太鞋亦都唔会太过肥，肥瘦均匀，牛味仲相当之浓郁❤️呢度仲可以拣一人一锅，咁就可以试齐两款汤底。今次就试咗中华辣汤同泡菜汤底🌶🌶中华辣汤 望到个样都知道好够辣 红卜卜！加埋肥牛就好似水煮牛肉咁～而泡菜汤就酸酸辣辣，个人就比较钟意呢款！食落冇咁油腻，仲好足料，好多泡菜喺入面，好开胃💓