燒皇燒烤專門店

营业中

休息中

近排天气真系冻到一个点啊，所以出街食饭最好都系打边炉，可以暖下个身又暖下个胃，相信个个人都系咁谂，所以餐厅都满座，我地都要等一阵先有位，座位比较逼，不过我地4个人就被安排坐6人位，有空位可以摆厚褛同袋，都算坐得舒服由于人太多，唔够人煮野食嘅关系，侍应好好人叫我地快快落咗鸡煲，如果唔系可能要等好耐，所以我地就好快咁拣咗中辣麻辣鸡煲(壹只鸡)，一打开盖就可以见到好足料，另外仲有落重调味料，例如莞茜、花椒、八角、辣椒等等香料，令成个煲都充满香，食落少辣带微微麻，好惹味，而且主角鸡肉都好嫩滑，仲啖啖肉，食完只鸡都饱咗4分1啊~鸡肉都食得七七八八，净番啲鸡脚用黎熬汤打边炉，打边炉嘅配料一定唔少得有牛肉，我地就叫咗碟加拿大特级牛肩肉(大)，份量都唔少，不过最吸引嘅当然系佢油脂分布有如雪花纹咁分明，而且嫩红嘅肉色，目测就知质素好好。稍稍灼一灼就可以食，肉质嫩滑易咬开，吸收咗麻辣嘅汤香，所以味道带麻，但系又唔会盖过牛香，真系食指大动啊~呢度除咗主打边炉，仲有得食串烧，等你唔洗二拣一，可以两者兼得，首先黎嘅系烧牛舌，嗌咗小辣，但系唔太食到，牛香重而口感带爽口，略厌有啲难咬开另外要咗个特级小食，烧法式鹅肝