英國佬 (已結業)

疫情冇得去英国，只可以嚟到英国佬食吓野。英国佬呢间餐厅唔系第一次嚟食，佢哋最受欢迎嘅当然系$38蚊一杯1664啤酒，出边要6，70一杯，而呢度只系$38，真系冇得输。除咗啤酒呢度嘅嘢食亦都非常之好，今日我叫咗二人套餐$148，有杂扒餐同埋一个夏威夷Pizza，先讲讲个集扒餐有一块牛扒，有骨猪扒，一条粗肠仔同埋有薯角荐底，份量非常之多，味道系几好嘅正常港式西餐，肉质唔韧。而Pizza方面亦都好足料，落咗好多芝士，新鲜出炉好好食。呢间餐厅我会好推荐大家嚟食，性价比我会比5分。