影片
更多
2024-04-04
222 浏览
前几日同个朋友系湾仔食个午饭，好耐无见，大家不约而同想食啲辣野，咁啱office附近有间食清真牛肉粉既餐厅，就去左试，响大街好易揾，叫做『五指间兰州牛肉面』。平时行开呢头，只要到1点钟就已经超多人，所以呢日约左个朋友1点半就黎到，好彩地比我地揾到位唔洗等，不过我地坐低左十分钟已经开始要排队等位。食物方面，一见到个招牌兰州牛肉面，唔洗谂我朋友已经拣好！我自己就拣左蕃茄汤底既水饺面。我地互相试左对方既汤底，个招牌兰州牛肉面唔太重口味，无川菜咁浓，但系食得出啲汤底系由好多牛骨牛肉煲出黎，好鲜甜，再加上上面既辣油，清得黎又够满足感。牛肉系牛展，啱晒减肥既朋友。而蕃茄浓汤水饺面，系牛肉制既水饺，好香口。蕃茄汤底够清甜，唔会好似沟左茄膏茄酱咁化学咁重口味，啱啱好啊！我地一人嗌左一个孜然牛肉饼，呢个真系超正，必食！出面个饼系微脆，热辣辣，再加上入面既孜然碎牛馅料，无敌香口！食呢种饼最惊入面干争争，而佢地呢个饼真正做到外脆内软，而且有少许肉汁，真系好好味！！！我地怕叫得太多，另外再一人叫左2串烧羊肉，呢个系极推荐！羊肉一啲都唔肥，所以羊味刚刚好，而且绝对唔会食到食口/肚油，羊肉软硬熟度适中，如果10分
平时行开呢头，只要到1点钟就已经超多人，所以呢日约左个朋友1点半就黎到，好彩地比我地揾到位唔洗等，不过我地坐低左十分钟已经开始要排队等位。
食物方面，一见到个招牌兰州牛肉面，唔洗谂我朋友已经拣好！我自己就拣左蕃茄汤底既水饺面。
我地互相试左对方既汤底，个招牌兰州牛肉面唔太重口味，无川菜咁浓，但系食得出啲汤底系由好多牛骨牛肉煲出黎，好鲜甜，再加上上面既辣油，清得黎又够满足感。牛肉系牛展，啱晒减肥既朋友。而蕃茄浓汤水饺面，系牛肉制既水饺，好香口。蕃茄汤底够清甜，唔会好似沟左茄膏茄酱咁化学咁重口味，啱啱好啊！
我地一人嗌左一个孜然牛肉饼，呢个真系超正，必食！出面个饼系微脆，热辣辣，再加上入面既孜然碎牛馅料，无敌香口！食呢种饼最惊入面干争争，而佢地呢个饼真正做到外脆内软，而且有少许肉汁，真系好好味！！！
我地怕叫得太多，另外再一人叫左2串烧羊肉，呢个系极推荐！羊肉一啲都唔肥，所以羊味刚刚好，而且绝对唔会食到食口/肚油，羊肉软硬熟度适中，如果10分满分，我会比9.5分！净返0.5分系比自己再等食多几次。
饮品我地不约而同试左甜胚子，饮落清甜爽口，有少少柠檬味，应该系加左柠檬汁，唔太甜。杯底饮到既系一粒粒似系燕麦既爆珠，软滑得黎好有口感！超级正。
食完野点少得饭后甜品！我地又系嗌埋同一样野，就系佢地自家制酸奶(乳酪) ，又系好清甜无添加，唔太甜，食完饭用黎做甜品够perfect无负担。正呀！
呢间真心觉得可以再黎食，因为一踏入间餐厅已经闻到满满既香浓牛肉味，依家谂返都觉得肚饿呀！
张贴
