泰發泰國餐廳

营业中

休息中

成日系九龙城食泰发，听朋友讲原来元朗都新开，今次经过元朗食lunch，就即刻同朋友去食，由西铁大商场行过去10分钟左右，都算方便。 正宗泰国菜的lunch 竟然只系大约50蚊，已经有得食，价钱合理，选择又多，另外仲有香口小食选择，比起夜晚更抵食。点了2款lunch，另外单点小食，埋单260，好丰富好饱！海南鸡饭 (加$5转鸡脾) $60鸡髀肉质鲜嫩多汁，肥美厚肉，份量多，配埋油饭和秘制酸辣鸡汁，十分搭配，鸡饭送一碗东瓜汤，加上葱花胡椒煮成，好有泰国街头风味，加埋晒系神一般的享受。 泰式炒金边粉 $49镬气够，炒的干身又香口，用秘制泰式香料调制，味道带点甜味，口感丰富，用猪肉、芽菜、豆腐干和韭菜，近似曼谷的夜市风味，唔会太咸或太酸，地道正宗，值得推介! 肉碎生菜包 (猪肉) $65辣度刚好，炒得唔会太油，猪肉肥瘦刚好，配埋香料和洋葱，十分惹味，加上生菜包著食，有清新去腻的成效。 泰式生虾 $86生虾大只超弹牙，另有炸虾头一齐食，配上蒜片和辣椒丝，点酱有泰式酸辣酱，食落口感微辣，整体满足。