生記茶餐廳 (已結業)

红磡有蟹粥食，唔洗去澳门啦！有人带路痴去揾食的确唔同，捐窿捐啦都唔洗怕荡失路，有人话呢间蟹粥好味㖞，我又上网睇下食评啦，大致都系话好食嘅，去到见到店仔细细，极有怀旧大排档格局，圆台、胶櫈，冇咩装修，老店一间。二人前食唔到大锅，叫个细嘅够哂两人食啦，煲仔滚住上，热辣辣，天气冻走黎食暖下身都几好，夏天就可以有点热，因为冇咩冷气㗎咋。地踎食蟹粥，2人份量只蟹偏细，尚算多膏 & 新鲜呀！个粥底都煲好棉，轻轻食到有少少腐竹味，但我唔肯定有冇，系有味精嘅，食完会口喝嘅（笑）另外叫左蒜蓉蒸蚬，细细只ok鲜的，因为系蒸嘅关系，每只蚬粒肉都仲健在，唔会被炒到飞甩哂，咸咸的盐水味，加上蒸蓉，系口臭之极品，不过几只有沙，呢个都几难避免（笑）一不做，二不休，横掂口臭就叫多个蒜蓉蒸蛏子，买5送1啊，umm...我又唔觉佢系好新鲜㖞，亦唔系厚肉果种，不过价钱唔系贵就不得要求咁多啦！整体系ok嘅，又未去到神级咁好味，以咁嘅价钱算系唔错啦！大家可以去试下啊！