淡水老街古早味現烤蛋糕 (已結業)

阿哥系元朗出黎探阿妈，顺带系佢屋企楼下买左盒古早味蛋糕上黎，之前试过佢地嘅原味，今次阿哥好醒目，转一转新口味，买左个肉松味古早蛋糕😋。肉松味古早蛋糕口感冇咁湿润，咸咸地食落反而冇咁溜，肉松好香，面头仲有芝麻同碎紫菜，增加香口感，肉松嘅咸味同蛋糕嘅蛋香味又出奇地夹。👍🏻淡水古早除左原味之外，每日仲会出炉一至两款特式味道，（例如有：椰香班兰、榴梿、蜂蜜抹茶、腰果蜜蜂桂圆、粒粒香芒、黑松露芝士朱古力等等.......）上次试过紫薯味，不过紫薯味道唔太出。下次最想食系黑松露芝士朱古力😋